Plantun de Prouvènço

Pèr coumpara dos planto d'encò nostre

Festuca heterophylla & Campanula rotundifolia subsp. rotundifolia

Festuca heterophylla

Poaceae Graminaceae

Nom en français : Fétuque à feuilles de deux sortes.

Descripcioun :
Aquelo grando petugo, trachis dins li blachiero, li faio e li bos. Fai de mato de fueio fino (< 1 mm) alor que li fueio de la cambo soun mai larjo (>2,5 mm). A la coupo, li fueio de la souco fan coume uno meno de lausange (fotò). De nouta peréu que lis enflourejado soun longo de 6 à 20 cm e lis espigueto fan 8 à 10 mm emé 2 à 7 flour barbudo (arèsto de 2 à 6 mm).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 50 à 120 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Festuca
Famiho : Poaceae
Famiho classico : Graminaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 6 à 20 cm
Flourido : Printèms - Estiéu

Sòu : Ca
Autour basso e auto : 0 à 1700 m
Aparado : Noun
Mai à juliet

Liò : Blachiero - Faio - Bos
Estànci : Termoumediterran à Mountagnard
Couroulougi : Éuropenco-Caucasiano
Ref. sc. : Festuca heterophylla Lam., 1779

Campaneto(-di-fueio-redouno)

Campanula rotundifolia subsp. rotundifolia

Campanulaceae

Autre noum : Campanello(-di-fueio-redouno).

Nom en français : Campanule à feuilles rondes.

Descripcioun :
Aquesto campaneto èi coumuno en mountagno. A dos meno de fueio, aquéli d'en bas (pas toujour aqui quouro flouris) soun redouno emé un pecou, e li d'en aut primo. La subsp. rotundifolia, que trachis dins li tepiero roucaiouso e li esboudèu, a uno racino mai primo que la subsp. rotundifolia de basso Prouvènço.

Usanço :
Es uno planto manjadisso. La racino sèmblo apasima li doulour.